半茶匙 (Closed)

每逢深夜總是餓，自從wfh後，長時間留家，日日食媽咪住家飯，對美食既追求變得越嚟越強烈~  早前同朋友係觀塘apm shopping，之後，就嚟到東廣場「半茶匙」買外賣。呢家小店係朋友推介，主打台式飲品，款式選擇極多，價錢合理親民。而除咗飲品，佢哋仲有其他美食，包括台式滷肉飯及手工芋圓糖水。當然，最令我心動既就係超人氣既台灣鐵板吐司。吐司共有9款口味，最後，我就揀了芋泥肉鬆及紫薯肉鬆吐司，再點多杯琥珀波覇鮮奶茶返屋企自私食。紫薯肉鬆吐司我個人嚟講，覺得紫薯肉鬆吐司好好食，首先佢大大份，感覺真材實料，吐司外層金黃色，入面放滿紫薯肉鬆餡料，入口時而紫薯味道好突出，口感好豐富，味道甜中帶鹹，外脆內軟，好好味~芋泥肉鬆芋泥吐司超厚實，份量超多，視覺非常飽滿，而芋泥口感香滑綿密，甜而不膩，配埋最佳拍檔既肉鬆，簡直係perfect match，芋泥控必試~琥珀波覇鮮奶膠杯上印有"一小時內飲用"既字眼，感覺好窩心。入口會有濃濃既黑糖味，同埋牛奶奶香味，甜度啱啱好，唔會"甜耶耶"，加上煙煙韌韌既珍珠，推介。