Video
Read full review
2022-11-12
63 views
原來冰室都有得任食烤魚，今次喺北角一個商場內發現呢間冰室，冰室都幾大間，最入面嘅位置就畀人食任食明爐烤魚或者香辣雞煲。而且仲免醬料費同免加一服務費添！✍🏻 /明爐烤魚放題▪️價錢：HK$199/位▪️美味指數：♥♥♥♥♡對上一次食烤魚都5個月前，今次呢款烤魚，魚滑之餘，仲好厚肉，而且配菜份量款式都幾多，包括金針菇、豆卜、蕃茄、蓮藕、芋頭、芽菜、萵筍等，入曬味，配啤酒，爽！120分鐘有咩好飲好食？店鋪標榜「啤酒任飲」、「美國肥牛任食」及「振興肉丸任食」！其實又點止啤酒任飲，仲有其他飲品揀嘅，包括罐裝涼茶同汽水。肥牛正常質素，而振興肉丸平時出街買都唔平，記得食多幾粒😆✨除咗振興肉丸，配料仲有冬菇、白蘿蔔、生菜、芝士腸、豬紅、炸魚皮等，而且最後仲可以食埋個餐廳專用嘅出前一丁同烏冬，包你食飽飽🫶🏻✨
✍🏻 /明爐烤魚放題
▪️價錢：HK$199/位
▪️美味指數：♥♥♥♥♡
對上一次食烤魚都5個月前，今次呢款烤魚，魚滑之餘，仲好厚肉，而且配菜份量款式都幾多，包括金針菇、豆卜、蕃茄、蓮藕、芋頭、芽菜、萵筍等，入曬味，配啤酒，爽！
120分鐘有咩好飲好食？店鋪標榜「啤酒任飲」、「美國肥牛任食」及「振興肉丸任食」！其實又點止啤酒任飲，仲有其他飲品揀嘅，包括罐裝涼茶同汽水。肥牛正常質素，而振興肉丸平時出街買都唔平，記得食多幾粒😆✨
除咗振興肉丸，配料仲有冬菇、白蘿蔔、生菜、芝士腸、豬紅、炸魚皮等，而且最後仲可以食埋個餐廳專用嘅出前一丁同烏冬，包你食飽飽🫶🏻✨
Post
