Plato Cafe & Bistro (吳松街)

之前朋友同我慶祝生日，就食過呢間喺油麻地分店。當時仲要坐窗邊，望住彌敦道街景都幾正～侍應仲要幫手將準備好嘅蛋糕點晒蠟燭同畫咗句生日快樂，細心到令我留低咗個好印象。所以同朋友想去尖沙咀行街，又唔知食咩好，我就推薦咗呢間了～💡 美國安格斯肉眼牛扒配乾蔥燒汁伴香辣薯條 $168  + 特飲凍焦糖鮮奶綠茶 (補差價+$16)有時出去食牛扒5成熟，最終上碟都係會7成熟左右🫣但呢間一切開，見到啲色水就知係好靚嘅5成熟，肉質夠稔，同時仲有濃濃嘅肉味，＄168有咁嘅質素係好驚喜！香辣薯條炸得好脆，可惜係香辣嚟講對於重口味嘅我略嫌唔夠。飲品完全係極邪惡，夠晒濃味又有cream！💡 香煎比目魚南瓜意大利飯 $98 + 熱榛子鮮奶綠茶 (補差價+$14)對於意大利飯，我自己就反而唔鍾意正宗飯粒硬硬地個種，所以每次叫ristto都係一種賭博。今次就賭對了😻，呢款係煮到飯粒好熟透，仲有南瓜嘅香甜味，配埋煎到好香嘅比目魚，真係一啖接一啖咁食。飲品種類真係好多，熱榛子鮮奶綠茶好香又唔會死甜，唔係求其咁沖。