💗海鮮
每個座位隔離都可以夾到生猛嘅大頭蝦，隻隻都游得勁快，要快快脆脆夾起佢，放入冰水度凍暈佢，然後拎去燒，唔係會彈到成身都係！
其他海鮮嘅款式都唔少，竟然有原條鮮魚可以拎，超有驚喜，仲有生蠔、帆立貝、鮑魚呢啲都係任拎，食落去都幾鮮甜彈牙，品質都唔錯，都encore咗幾次！
💗串燒
除咗海鮮檔可以任拎，仲有串燒類都係！佢擺滿三個凍櫃，有蔬菜類亦都有普通嘅雞牛豬串燒，連羊架都有！拎返去燒，可以用枱面嘅各種調味粉作簡單調味，好玩又好食～
💗熱食
仲有啲熱食比顧客食用，初初嚟到肚餓可以食住當前菜等～
💗甜品
甜品選擇唔算太多，全部都係雪糕雪條，但勝在口味夠數多，過吓口癮都唔錯～
⭐️整體分數：9/10
