Video
Read full review
2023-04-23
55 views
中上環本身就唔少多國菜可以選擇，勝在有時想同時中西合璧，一次食晒兩款菜式。今次上網搵到間出名馬來西亞特色喇沙，上咗半山電梯唔算行得辛苦，入口要轉入條巷仔，即刻覺得成件事更隱世更神秘哈哈。💡珍寶大蜆拼海蝦 招牌馬來西亞咖哩喇沙湯麵 $142麵底係傳統摻摻，油麵拼米粉，配料除咗大蜆同海蝦，仲有大量芽菜、蛋同豆卜。聞落味道唔似平時喇沙濃烈，本身就好鍾意食喇沙嘅我，食一啖發現冇椰漿味，都幾新奇，取而代之係一種好清新嘅感覺，冇諗過一直以為係重口味嘅喇沙會有咁清新嘅一日，應該係冇放味精，所以入口第一下個味道唔會好爆，搶晒個味蕾。同時都有用香料味保持到喇沙湯底嘅底蘊。湯頭好味到飲晒啲湯，但都唔覺得口渴，大蜆冇呃人都真係大大粒好鮮甜，海蝦真係超彈牙，又好大隻！芽菜都係一樣我幾執著嘅位，好怕太生有種臭青味，但呢個就唔會，有陣鮮甜味。不知不覺淨係講喇沙都咁大篇，但仲想補充多少少。因為好少見冇椰漿味(依家啲餐廳好似鬥重椰漿味，突然食到咁清新好有趣)，所以忍唔住問下老闆娘。佢解釋原來係馬來西亞都分咗好多唔同地方，根據個邊嘅傳統係唔落椰漿味。成碗麵都冇落味精，逐碗由炒香料同菜去拎香料味同甜味，呢種唔介意時間成本
中上環本身就唔少多國菜可以選擇，勝在有時想同時中西合璧，一次食晒兩款菜式。今次上網搵到間出名馬來西亞特色喇沙，上咗半山電梯唔算行得辛苦，入口要轉入條巷仔，即刻覺得成件事更隱世更神秘哈哈。
💡珍寶大蜆拼海蝦 招牌馬來西亞咖哩喇沙湯麵 $142
麵底係傳統摻摻，油麵拼米粉，配料除咗大蜆同海蝦，仲有大量芽菜、蛋同豆卜。聞落味道唔似平時喇沙濃烈，本身就好鍾意食喇沙嘅我，食一啖發現冇椰漿味，都幾新奇，取而代之係一種好清新嘅感覺，冇諗過一直以為係重口味嘅喇沙會有咁清新嘅一日，應該係冇放味精，所以入口第一下個味道唔會好爆，搶晒個味蕾。同時都有用香料味保持到喇沙湯底嘅底蘊。湯頭好味到飲晒啲湯，但都唔覺得口渴，大蜆冇呃人都真係大大粒好鮮甜，海蝦真係超彈牙，又好大隻！芽菜都係一樣我幾執著嘅位，好怕太生有種臭青味，但呢個就唔會，有陣鮮甜味。
不知不覺淨係講喇沙都咁大篇，但仲想補充多少少。因為好少見冇椰漿味(依家啲餐廳好似鬥重椰漿味，突然食到咁清新好有趣)，所以忍唔住問下老闆娘。佢解釋原來係馬來西亞都分咗好多唔同地方，根據個邊嘅傳統係唔落椰漿味。成碗麵都冇落味精，逐碗由炒香料同菜去拎香料味同甜味，呢種唔介意時間成本都要做好一碗精神真係好respect。
💡 燒美國安格斯西冷扒配黑松露薯條 $278
牛扒比想像中大塊，切開覺得熟度剛好，肉質好腍，配上紅酒汁就更加鮮。薯條炸得好脆，唔會好油，放涼咗一陣都唔會即刻軟晒同有油。黑松露醬好香，食到最後刮埋淨但嘅醬咁食，不過驚喜發現，薯條沾到牛肉汁好好食，因為流出嚟唔係血水，而係牛肉汁，所以令到條薯條吸收埋啲肉香，意外發掘出嚟。
💡 Iced Thai Pandan Lemongrass & Ginger Tea $68
呢杯香茅薑茶都幾清，薑味應該淨係茶底唔算好出，香茅味好香，仲有種溫柔包覆感。第一啖覺得唔夠甜，一度掙扎要唔要拎糖漿。但食食下，送其他嘢食就發現野飲都唔洗太搶味，清清地反而幾舒服。
留意到牆上嘅畫同相風格都幾唔同，老闆娘順便就解釋，想用自己間小店放置藝術品，平時其他地方可以展示藝術品嘅機會好少，不如用自己地方鼓勵大家繼續向藝術努力。聽到之後都覺得幾窩心，除咗係一間餐廳，都可以多一種意義。既然都係等緊餐，不如抬頭望吓畫作同相，欣賞吓藝術。
Post
