豪庭藝廚 (Moved) New Location

【 上菜速度非常快 】好耐冇食過茶餐廳早餐，今朝突然間好想食，所以早左起身落左去大角咀港灣豪庭廣場地下的豪庭藝廚嘆番個早餐。佢哋上菜速度真係非常快，落單後無耐碗通粉同埋碗意粉好快就已經到，啱晒繁忙嘅香港人，用餐環境都好乾淨舒服。我哋叫左早餐A和早餐B，早餐A鮑片火腿絲通粉，配腸仔煎蛋牛油方包。早餐B就係沙嗲牛肉意粉，配煙肉煎蛋牛油方包。沙嗲牛肉好好味，但碗通粉份量太少，如果多啲會更好，早餐都唔太夠食。