1
終於有一日中午行過，見無人排隊，就二話不說入去試試先
要試當然要試店舖推介
【石燒濃厚豚骨魚介味玉沾麵】啦
佢加麵都係免費先最正....
我最後係加左香鬆飯，因為店舖介紹有另一番風味食法，緊係要試下
等左陣，石鍋沾麵終於黎哂
聽說湯底魚介磨粉煮成，再用石鍋盛載，濃郁又保持到溫度。你睇下個湯底仲係滾緊出哂煙，小朋友真係要小心
主推每日 手打製麵，真係彈牙又口感，好好味~
最後我食哂d麵，留返少少湯底，先記得仲有個香鬆飯未食呀
立即將飯撈落去湯底，食返碗飽飽魚介湯飯
總結: 石鍋魚介沾麵好有特色，免費加麵岩哂大食朋友，如果似我細食，普通麵加個香鬆飯，已經飽到行不郁啦
