富士山黑豚肉咖哩飯（$118），吸睛之選！但味道麻麻地啦，咖哩唔辣，入面黑豚肉份量都多，仲有啲菇。可能為咗塑形，啲飯就比較硬。
挪威鮮三文魚拌溫泉蛋紅菜頭天使麵（$138）， 又係賣相滿分！天使麵撈溫泉蛋，麵條食落滑嘟嘟，味道唔算驚艷。三文魚稍稍煎過都唔會難食得去邊嘅～
原隻軟殼蟹配羅勒青醬意大利飯（$148），賣相擺盤都係冇得輸。隻蟹同一掌一樣大，重點係個意大利飯好好食，軟硬適中而且好入味！
紅酒牛柳配牛肝菌意大利飯（$158），擺盤襯色靚到絕。牛柳味道普通，半熟狀態，唔會太韌。值得一提，又係個意大利飯，好食x2。
總結，食物賣相打卡一流，必點有意大利飯嘅餐點。價錢少少少少貴，不過間唔中一餐都ok啦~
