大阪李朝園 (Closed)

我其實好鍾意食章魚小丸子，不過好食嘅唔多，買十次有九次都中伏。好耐之前喺網上見到呢間餐廳有得自己整小丸子，我搵咗個星期日去睇吓試試！入到去之後，職員就放低晒啲材料，加埋一小樽泡菜。估佢唔到啲泡菜幾好食喎，淡淡地唔太咸，好啱我口味。跟住職員就教我哋點整，其實好簡單，不過就要落勁多油，我睇到都打咗個突。圖入面果啲唔係水，全部都係油！佢有洋蔥，紅蘿蔔，泡菜，八爪魚畀你放入去等佢個底熟咗之後，轉一轉佢，再補少少粉漿。 好快就整完，再落醬。 其實幾好食，唔知係咪因為落咗好多油，所以個皮好脆好脆。不過啲料真係少咗啲，粉漿嘅粉量可以整到成１６粒，但係啲八爪魚勁少，每粒丸可能只係得一粒勁細粒八爪魚，仲細粒過係街買現成果啲。不過價錢１００蚊有找，其實都好滿意，都會貪手痕玩吓啫。