Kampoeng

印尼菜平時比較少食，不過一直對佢哋獨特嘅香料風味好有興趣 😋 今次去到 銅鑼灣 Kampoeng，見到唔少印尼人幫襯，感覺幾正宗，決定試試 燒海鮮、沙嗲串燒、地道小食，一次過感受真正印尼風味！


🌽 煎粟米餅 $32
炸到金黃香脆，一咬落去粟米粒粒爆汁，帶微微椰香，完全唔油膩！

🍢 沙嗲羊肉串（三串）$58
燒得夠香，帶少少焦香 🔥 羊肉口感軟嫩，配埋 辣辣酸酸嘅沙嗲醬，超級惹味，食完想再追加！

🐟 印尼醬燒魚（甜醬）$68
魚大條到誇張 🤯 外皮燒到焦脆，魚肉保持嫩滑，配埋 帶甜味嘅印尼獨有醬汁，鹹甜交錯，超下飯！

🥩 巴東牛肉雜錦飯 $75
牛肉燜到入口即化 🤤 配菜有 印尼咖喱雜菜、辣炒薯絲，仲有童年回憶彩色蝦片，每樣都好有特色，味道層次好豐富！

當日幾乎全場都係印尼人，氣氛超地道 🤭 味道比想像中更啱口味，香料味濃郁但唔會過辣，食落順口。想試印尼菜又怕太重口味，Kampoeng 係一個超好嘅入門選擇，無論係 燒海鮮、沙嗲、巴東牛肉 都好高水準，推薦俾想試新口味嘅朋友！💯🔥