金萊餐廳 (Closed)

👯‍♀️二人餐 $192魚香茄子煲黑毛豬咕嚕肉🦐金沙蝦球 $108🔸金萊餐廳係銅鑼灣一間茶餐廳，晚市主打小菜，價錢大眾化，食物質素不錯👍🏻今次我同朋友叫咗個兩人套餐，有超多選擇入面可以揀兩款小菜，我哋就揀咗魚香茄子煲、黑毛豬咕嚕肉，然後會配老火湯同白飯，另外由於我哋好肚餓，仲叫多咗個金沙蝦球😗🔸魚香茄子煲嘅茄子煮得好軟，魚香味濃郁，微微辣，餸飯一絕，我同朋友都好鍾意😁黑毛豬咕嚕肉嘅豬肉好嫩滑，炒得入味，唔會太肥膩～🔸金沙蝦球嘅蝦球炸得好香脆，蛋黃金沙外皮好惹味，我哋食到停唔到口🤓🔸整體嚟講，如果大家喺銅鑼灣想食性價比高嘅小菜，可以嚟試吓金萊餐廳