辦館 (KC100) (Closed)

週末想搵個地方hea 下，通常啲人都會係去葵芳多，但原來葵興都有個慢活好地方，呢間辦館環境闊落開揚，仲有落地玻璃，陽光普照，睇見都心情開朗，喺呢度同朋友歎下咖啡，舒舒服服咁傾下計絕對無問題。日式叉燒豬骨湯烏冬日式叉燒入味，豬骨湯雖然顏色淺，但味道夠濃，烏冬亦好滑身。黑松露炒蛋吐司炒蛋夠嫩滑，黑松露味好濃，作為輕食下午茶啱啱好。巨峰提子梳打味道甜甜地，巨峰提子味濃，配上凍冰冰梳打勁透心涼，大熱天時飲簡直消暑解渴。Cappuccino 拉花精緻，口感絲滑，奶泡感重，杯旁仲有朱古力粉，朱古力粉嘅甘香豐富左咖啡嘅味道層次。