Video
Read full review
2025-07-30
321 views
今日去咗觀塘一間叫「Comfy by Chef's Stage」嘅餐廳食晚餐，呢度嘅裝修好有風格，同東廣場其他食肆有截然不同嘅感覺，而且餐廳門口有部夾公仔機，每光顧$300就可以有一個代幣，一個代幣可以夾一次，而且個夾好實，好容易就可以夾到食物公仔吊飾同餐廳優惠券，啱晒大人同小朋友！🍊 炸意大利燒烤菇配松露蛋黃醬意大利燒烤菇嘅菇味好濃郁，包裹煮一層薄薄嘅炸粉，外皮炸得好香脆，入面嘅燒烤菇口感軟身而且保持到水份，做到外脆內嫩嘅效果，炸物配上松露蛋黃醬，香口又惹味🍊 香烤美國雞翼配青檸蜂蜜柚子醬佢偷雞翼有六隻，每隻都敲烤到好脆皮，一咬開入面仲係熱辣辣，而炸薯條亦都係新鮮炸起，配上酸甜開胃嘅青檸蜂蜜柚子醬可以化解炸物嘅油膩，而且酸酸甜甜非常開胃🍊 紐西蘭肉眼扒肉眼扒嘅份量足夠，四成嘅熟度啱啱好，唔會生到血淋淋，咬落去都幾有肉汁同質感，碟上面只有少量嘅蘑菇汁，可以食到原始嘅肉味；配菜嘅西蘭花薯蓉好出色，薯蓉嘅口感幼滑得嚟又有西蘭花粒粒嘅口感，而且牛油味好濃郁🍊 香煎銀鱈魚有兩片好大嘅銀鱈魚魚肉，魚皮煎得香脆，魚肉仍然好滑身，下層配有打爛到口感好順滑嘅南瓜蓉，魚肉配埋檸檬汁同南瓜蓉一齊食幾惹味，
🍊 炸意大利燒烤菇配松露蛋黃醬
意大利燒烤菇嘅菇味好濃郁，包裹煮一層薄薄嘅炸粉，外皮炸得好香脆，入面嘅燒烤菇口感軟身而且保持到水份，做到外脆內嫩嘅效果，炸物配上松露蛋黃醬，香口又惹味
🍊 香烤美國雞翼配青檸蜂蜜柚子醬
佢偷雞翼有六隻，每隻都敲烤到好脆皮，一咬開入面仲係熱辣辣，而炸薯條亦都係新鮮炸起，配上酸甜開胃嘅青檸蜂蜜柚子醬可以化解炸物嘅油膩，而且酸酸甜甜非常開胃
🍊 紐西蘭肉眼扒
肉眼扒嘅份量足夠，四成嘅熟度啱啱好，唔會生到血淋淋，咬落去都幾有肉汁同質感，碟上面只有少量嘅蘑菇汁，可以食到原始嘅肉味；配菜嘅西蘭花薯蓉好出色，薯蓉嘅口感幼滑得嚟又有西蘭花粒粒嘅口感，而且牛油味好濃郁
🍊 香煎銀鱈魚
有兩片好大嘅銀鱈魚魚肉，魚皮煎得香脆，魚肉仍然好滑身，下層配有打爛到口感好順滑嘅南瓜蓉，魚肉配埋檸檬汁同南瓜蓉一齊食幾惹味，另外有一半係酸酸嘅黑醋林上新鮮嘅沙律菜同蕃茄仔，充滿平衡嘅營養價值
🍊 開心果朱古力奶昔
奶昔飲落去唔算太甜，上層有厚厚嘅鮮奶油、朱古力脆脆同開心果粒粒，成杯奶昔嘅開心果味來自於開心果粒粒，所以開心果嘅味道唔算太濃郁，反而朱古力味就好濃厚
🍊 凍桂花烏龍茶鮮奶
呢杯飲品嘅茶底非常濃郁，飲落去除咗感受到鮮奶嘅順滑之外，仲有香醇濃郁嘅烏龍茶味同淡淡清香嘅桂花香味，味道香而不膩，上層打起嘅奶泡亦都帶有濃郁嘅桂花香
🍊Tiramisu
呢間Tiramisu有好重嘅Baileys酒味，食落去偏苦澀而整體味道唔算甜，中間嘅蛋糕夾層非常鬆軟，配上草莓、藍莓、紅莓等生果帶出嘅酸甜味，減低咗蛋糕嘅油膩感
📍觀塘成業街7號東廣場地下G25-31 & G59號舖
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
Post
