Video
Read full review
2020-10-21
174 views
觀塘海濱相信係唔少人嘅「避疫」聖地，除咗有長達1公里嘅海濱長廊，其實附近亦有唔少美食雲集。今次嚟到海濱公園入面嘅Le Serre，第一眼俾佢吸引嘅當然有超大嘅落地玻璃同埋露天雅座，而且佢都有唔少酒精飲品揀，無論係假日消閑或者係放工Happy Hour都係唔錯嘅選擇！💚 安格斯牛肉芝士蛋漢堡 ($168)多國菜餐廳之中最唔少得當然係Burger，今次叫嘅呢個牛肉漢堡份量十足，齋睇漢堡扒嘅厚度就知絕對唔只「足三兩」！而且扒底仲有牛油果加強漢堡嘅油香，整體感覺唔錯，亦都有安格斯嘅牛味。加上配菜份量都好多，消除咗食呢個超大漢堡嘅油膩感（其實係罪疚感😛）。唯一係希望漢堡扒可以再生少少，可能會更加啱口味~💚 香煎法國鴨胸 ($168)法式鴨胸睇落好似一道簡單嘅菜式，要煮得好食都唔係易事。鴨胸除咗一樣份量好夠之外，上碟時都控制到唔會過熟，保留到一定程度嘅肉汁，加上伴碟嘅薯仔粒做配菜，令到成道菜無咁單調！💚 Mocktail ($58) - Virgin Ginger Mojito / Passion Fruit Squash餐牌除咗有大量嘅酒類之外，其實無酒精雞尾酒都係唔少人揀嘅飲品，始終一大班人飲
💚 安格斯牛肉芝士蛋漢堡 ($168)
多國菜餐廳之中最唔少得當然係Burger，今次叫嘅呢個牛肉漢堡份量十足，齋睇漢堡扒嘅厚度就知絕對唔只「足三兩」！而且扒底仲有牛油果加強漢堡嘅油香，整體感覺唔錯，亦都有安格斯嘅牛味。加上配菜份量都好多，消除咗食呢個超大漢堡嘅油膩感（其實係罪疚感😛）。唯一係希望漢堡扒可以再生少少，可能會更加啱口味~
💚 香煎法國鴨胸 ($168)
法式鴨胸睇落好似一道簡單嘅菜式，要煮得好食都唔係易事。鴨胸除咗一樣份量好夠之外，上碟時都控制到唔會過熟，保留到一定程度嘅肉汁，加上伴碟嘅薯仔粒做配菜，令到成道菜無咁單調！
💚 Mocktail ($58) - Virgin Ginger Mojito / Passion Fruit Squash
餐牌除咗有大量嘅酒類之外，其實無酒精雞尾酒都係唔少人揀嘅飲品，始終一大班人飲野又想扮下投入，點都要嗌返兩杯Mocktail嘅！Virgin Ginger Mojito 其實除咗基底無加White Rum，基本用料都係一致，但再加入咗生薑做調配感覺更加fresh，亦有少少刺激感覺令人誤會係飲緊酒~ 而 Passion Fruit Squash 會比較啱女仔飲，除咗甜甜地嘅雪碧底之外亦帶有百香果嘅微酸，當係開胃特飲都一流！
Post
