收工同朋友去了鴻圖中心9樓的“Le Monde”，推開門環境幾驚喜！地方寬敞，座位舒適，有正式西餐廳的感覺。晚市套餐，有齊沙律、餐湯、主菜同甜品，全部即叫即制，以工廈餐廳來講質素不錯。
🥗 西班牙火腿鮮果沙律
火箭菜佐風乾火腿，加上蜜瓜同草莓，醋汁酸甜幾開胃。
🍄 蘑菇忌廉湯
口感幼滑，蘑菇味香濃，配上熱辣脆身的法包幾夾。
🥩 法式紅酒燉澳洲牛頰
牛肉燉得好淋，好易散開，紅酒汁香濃，繫經典法式風味。
🦆 自家製法式慢煮油封鴨髀（$228）
鴨皮香脆，肉質嫩滑，底層馬鈴薯吸盡鴨油香。點橙橘醬可以解膩，幾有心思。
🧁 甜點
▪️馬卡龍外脆內濕潤，開心果味同玫瑰味都幾突出
▪️法式Cream Brulee焦糖脆，燉蛋滑溜，雲尼拿籽都睇到（跟餐送呢個組合幾抵）
Le Monde環境舒適，食物有水準，尤其是牛頰同油封鴨做得幾好。觀塘想和朋友吃個舒服晚餐，呢度系個不錯選擇。
