鳳鳴石磨腸粉 (觀塘廣場) (Closed)

☞ 觀塘廣場多嘢食就個個都知㗎喇，但係一直都冇試過呢間非常出名嘅【鳳鳴石磨腸粉💛】🍴牛肉腸粉加雞蛋（$29）❖ 聽人講食佢哋嘅腸粉一定要加雞蛋，所以今次就揀咗牛肉腸粉加雞蛋，盛惠$29。❖ 佢有好多唔同嘅醬料可以揀，我哋今次就揀咗豉油、麻香汁、炸蒜、同少少辣椒，一食落去就覺得麻香汁嘅味即刻出晒嚟，好香好似平時食涼皮嗰種麻香辣嘅味道🤩，而啲豉油都索晒落啲腸粉度，腸粉口感非常香滑，同平時你食開嘅腸粉係好唔同㗎～❖ 雞蛋同牛肉嘅都好夾，食落去覺得超級滿足😋下次我可能會想試吓佢嘅其他口味。另外，佢仲有一款係芫茜口味㗎🤭，鍾意食芫茜嘅人就真係唔好錯過啦，我就唔試臭茜了留俾大家🤫🤣