Video
Read full review
2024-04-02
65 views
好耐之前已經留意到呢間餐廳，店外店內都有峇里風嘅裝飾同設計，而且食物評分都一向唔錯，鍾意食嘢同打卡嘅朋友仔一定唔可以錯過！———————————————🌟香酥魷魚泰式柚子沙律 $118魷魚外皮炸得非常香脆，咬落都好彈牙，份量都算多。泰式柚子沙律都有好幾款蔬菜，上面仲有炸蒜，柚子汁酸酸甜甜幾好味，整個菜式都係比較少有嘅沙律，有特色得嚟又好味。🌟自家製松露炸蝦丸 $78唔好睇佢外表黑色咁，其實食落非常有驚喜。新鮮炸起嘅蝦丸咬落熱辣辣，蝦丸實心得來帶有黑松露香，加埋醬汁就更正。🌟輕煎日本刺身帶子牛油果醬意大利麵 $138帶子煎得啱啱好，外面香得來入面帶少少透明，食得出非常新鮮。意粉方面熟成都啱啱好，咬落帶少少煙靭，牛油果醬味道唔會太濃，反而係帶有香味為主。🌟椰香花生醬朱古力牛角包窩夫配Movenpick雪糕 $78呢個牛角包窩夫超邪惡，上面嗰層椰香花生醬超級香，再加埋朱古力碎片簡直係超好食。另外仲有Lotus餅同Movenpick雪糕，鍾意甜品嘅一定唔可以錯過。🌟陳皮洛神花茶 $45酸味為主飲落非常開胃，飲到底個陳皮味仲會更加濃郁，養生之選。🌟凍泰式奶茶 $46帶有獨特嘅泰式紅茶香味，甜味適
好耐之前已經留意到呢間餐廳，店外店內都有峇里風嘅裝飾同設計，而且食物評分都一向唔錯，鍾意食嘢同打卡嘅朋友仔一定唔可以錯過！
———————————————
🌟香酥魷魚泰式柚子沙律 $118
魷魚外皮炸得非常香脆，咬落都好彈牙，份量都算多。泰式柚子沙律都有好幾款蔬菜，上面仲有炸蒜，柚子汁酸酸甜甜幾好味，整個菜式都係比較少有嘅沙律，有特色得嚟又好味。
🌟自家製松露炸蝦丸 $78
唔好睇佢外表黑色咁，其實食落非常有驚喜。新鮮炸起嘅蝦丸咬落熱辣辣，蝦丸實心得來帶有黑松露香，加埋醬汁就更正。
🌟輕煎日本刺身帶子牛油果醬意大利麵 $138
帶子煎得啱啱好，外面香得來入面帶少少透明，食得出非常新鮮。意粉方面熟成都啱啱好，咬落帶少少煙靭，牛油果醬味道唔會太濃，反而係帶有香味為主。
🌟椰香花生醬朱古力牛角包窩夫配Movenpick雪糕 $78
呢個牛角包窩夫超邪惡，上面嗰層椰香花生醬超級香，再加埋朱古力碎片簡直係超好食。另外仲有Lotus餅同Movenpick雪糕，鍾意甜品嘅一定唔可以錯過。
🌟陳皮洛神花茶 $45
酸味為主飲落非常開胃，飲到底個陳皮味仲會更加濃郁，養生之選。
🌟凍泰式奶茶 $46
帶有獨特嘅泰式紅茶香味，甜味適中。
Post
