Cocoon (Closed)

【觀塘區】【Cocoon】都一段時間冇嚟觀塘呢邊做嘢，又係同真正哥食飯，就按照慣例，喺返做嘢嗰座大廈食埋飯啦。今日講嘅呢座大廈嘅位置係喺觀塘開源道嘅豐利中心，喺地鐵站行出去都唔算好遠，附近仲有觀塘廣場可以行吓。言歸正傳，間餐廳係喺豐利中心嘅一樓，方便。我哋去試佢哋嘅 set lunch，喺主菜上菜之前有個「是日沙律」，幾清新幾唔錯嘅選擇。真正哥試嘅係 $118 嘅「黑松醬蘑菇意大利飯」，我有食啲，個黑松露醬都好香，幾好食。佢跟餐加 $38 試「藍莓乳酸沙冰」，好大杯，好靚，佢話飲落其實都唔錯喎。我就試 $138「慢煎果園雞配薯菜」，隻雞煎得好香，啲肉都有雞味嘅，食雞要有雞味嘛，而佢都有雞髀、雞槌加埋啲雞胸肉，夠食。薯菜嘅薯條同燒翠肉瓜串，都幾好食嘅。我就加 $28 飲「椰子咖啡」，有椰子味，咖啡底本身都 okay，唔錯嘅用餐體驗。。。（地址：觀塘開源道54號豐利中心1樓104室）@cocoon.restaurant.kt#1amfoodie #foodie #hkfoodie #thatfoodiething #hkfood #food #instafood #yummy #foodl