Video
Read full review
2023-06-01
1088 views
【觀塘區】【古早台居】同朋友喺九龍灣食嘢，不過度咗好耐都唔知食乜，大家見到德福稻香都忍唔住笑。冇錯，呢位就係同我一齊食咗九餐一蚊雞煲嘅嗰位朋友。講時講，個 post 出咗咁耐，好似一直都唔見有人成功倣效，甚至超越，大家有冇見到？坦白講，我又唔覺得呢件事真係好痴線，我係預咗有人可以做到個成績係好過我哋嘅。只係做呢啲公開帳號有時都要放下身段，唔可能吓吓都唯我獨尊咁，畀啲空間人哋叻過自己都對自己嘅進步有幫助，達至協同效應吖嘛。揀無可揀之下就去 food court 睇吓有咩食，其實同其他富臨 food court 差唔多，都係嗰啲嘢。我哋見到最多人買係呢間台灣嘢，就一齊都食呢間。我係有私心嘅，因為食埋同一間的話我就又可以有空間出 post，嘰，我又贏。見到「休閒下午茶」梗係叫一叫佢，朋友叫咗 $49 嘅「鹽酥雞台灣麵」，我見唔少客人都係叫呢樣。上菜見到粒粒都炸到漲卜卜，我冇食，因為朋友好快食晒，身體會說話。飲品佢叫「台灣奶茶」，都冇聽佢挑剔啲乜嘅，好。我就食 $49 嘅「台灣滷水雞腿台灣麵」，我哋都冇揀滷肉飯揀台灣麵，食落都幾好。不過隻滷水雞髀有啲普通，唔算好有特色。飲品只能四揀一，我飲「茉
坦白講，我又唔覺得呢件事真係好痴線，我係預咗有人可以做到個成績係好過我哋嘅。只係做呢啲公開帳號有時都要放下身段，唔可能吓吓都唯我獨尊咁，畀啲空間人哋叻過自己都對自己嘅進步有幫助，達至協同效應吖嘛。
揀無可揀之下就去 food court 睇吓有咩食，其實同其他富臨 food court 差唔多，都係嗰啲嘢。我哋見到最多人買係呢間台灣嘢，就一齊都食呢間。我係有私心嘅，因為食埋同一間的話我就又可以有空間出 post，嘰，我又贏。
見到「休閒下午茶」梗係叫一叫佢，朋友叫咗 $49 嘅「鹽酥雞台灣麵」，我見唔少客人都係叫呢樣。上菜見到粒粒都炸到漲卜卜，我冇食，因為朋友好快食晒，身體會說話。飲品佢叫「台灣奶茶」，都冇聽佢挑剔啲乜嘅，好。
我就食 $49 嘅「台灣滷水雞腿台灣麵」，我哋都冇揀滷肉飯揀台灣麵，食落都幾好。不過隻滷水雞髀有啲普通，唔算好有特色。飲品只能四揀一，我飲「茉香奶茶」，調轉杯嘢上保證有搖，飲落都係正常水準啦，我都冇乜意見。。。
（地址：九龍灣偉業街33號德福廣場二期5樓501B號舖 Foodeli S7號舖）
Post
