I's Land Cafe (Closed)

當一遲咗放lunch，又要快有位，呢間係一個快靚正嘅地方。之前年頭有幫襯過一次，希望仲keep到啦。一入到黎有小小聖誕氣氛，開始倒數放假啦，心情好咗小小。我地坐梳化位，好舒服。Lunch menu 用心製作咗，有design，之前係好普通嘅。仍然係免收加一，呢樣都係keep到。餐包味道一般，上個陣略唔夠熱。湯係蘑菇湯，味道正常，如果熱啲會更好。我叫咗香草雞柳茄茸醬意大利粉，雞「鞋」咗小小，味道明顯係另上，雞有自己嘅淡，而粉有自己嘅「生活」，兩者好似唔識咁，粉味道都普通。叫咗奶茶，成個餐最夠熱，個杯都幾靚。仲有件cake仔，不過我地太飽無食，店員幫我地打包。比起我年頭個陣黎差咗，有啲失望。