錦麗 (創紀之城五期(apm))

Open Now

Now Closed

呢間一直都好想食，由佢開章到依家都未食過，lunch同放工都好多人排隊。。同事外出工作可以早啲1230去定排隊，我地12點9到等多一陣就剛剛好啦。一坐底即叫，由於太肚餓關係，三個人叫三碗加三碟小食。我叫左綜合粉，小食有蝦餅，牛油雞翼同埋大蝦札肉米卷。綜合粉恰到好處，粉唔算少，牛丸同熟牛正常，生牛記得快啲食。湯唔太咸，可以接受，佢有一杯滿滿嘅芽茶同葉，粉到左就可以放落去食。蝦餅唔油，牛油雞翼整得幾好，加埋蒜頭一流，米卷點魚露又係一絕。午餐其實一碗粉都ok嘅，係我地口痕啫。佢無嘢飲，呢樣有啲意外。我地食完1330左右就無乜人排隊啦，遲放飯嘅觀塘扮工人士可以留意下。