金記冰室 (創紀之城五期(apm)) (Closed)

成日都想去懷舊冰室食嘢，可惜成日都唔經，又無人陪我去。得知觀塘開咗，幾唔想留係觀塘，但難得有人陪我食，幾大都食一次。呢間之前係筲箕灣嘅一間出名嘅冰室，不過中間又搬，今次係觀塘，唔駛過港島。雖然裝修唔係傳統冰室，但係喺apm入面，係要靚嘅。拎左飛等左陣，好快入得。好多都好想食，花多眼亂，又係諗左一陣。仲有幾款影唔曬，價錢比我想像中平，可以叫多啲。朋友叫咗7成西冷扒，職員好細心，係我地位出邊先淋左汁，免得彈到我地兩邊枱嘅客人。可能加左汁之後，變到熟左，不過味道ok嘅，係我自己麻麻地全熟牛。如果下次再黎，會叫5成。我就食乾炒牛河，牛肉係多，炒得都算乾身，味道同色都適中，唔會太差，有我最愛嘅芝麻，即刻香哂。甜品叫咗心太軟，正呀！表面個層鬆軟，入面朱古力醬夠溶，成件事ok。朋友叫咗杯蜂蜜檸檬沙冰，唔會甜，佢話食完西冷再一啖沙冰，簡直一流！我就要左杯無冰奶茶，奶茶夠滑夠濃，又係提升哂成餐飯。我地每人唔駛150，我地算係豪食，想懷念冰室味道，可以嚟呢度。