Master Room (Closed)

又有新餐廳啦，通常都有一種衝動，即刻幫襯兩日，睇睇個質素嘅。第一日係下午茶時段，去到係無乜人，但窗口位都有人多。唔知店長係咪睇中呢個鋪位又大又光猛，的確，陽光透入嚟係靚（夏天未知）。第一日先黎一杯啡，肥威42元，無skim milk，唔算大杯，啡濃，但可以再熱啲。第二日黎係食lunch，有湯或沙律可以揀，隨餐有杯earl grey tea，或半價配其他飲品。我欣賞隻碟沙律係冷盤上，而湯係熱盤上。沙律唔錯，真係有西柚，汁配得可以，更fresh。水波蛋卡邦尼意粉，118元。味道還可，芝士味濃，蛋就剛剛就熟，如果個汁再實啲更好。我哋都覺得普通無論食物定啡唔夠熱，如果再熱啲會更好。