鴻星中菜 (源成中心) (Closed)

星期五無book lunch都幾麻煩，要周圍搵，飲茶通常都有位。係門口等咗一陣啦。得點心紙同餐牌上嘅可以點，同事話想食蒸飯，要另外點就算。都眼見滿座㗎，樓底唔高，碗碟還好，我個碟仲有飯。第一道上碟我地呆咗，米網春卷，好細舊，真係唔知點分😅，手指公咁長。味道一般。再黎xo醬蘿蔔糕，都係好少，味道係夠味，蘿蔔夠淋嘅。仲有炸雲吞，正常味；煎腸粉份量正常，都幾好味，大家叫做有啲胃口。仲有鮑汁鳳爪，同事話ok。呢碟終於正常啲，蝦子野菌炆伊麵，不過我個人覺得油咗啲。臘腸卷，同事話好味。仲有叫叉燒包，奶皇包，菜苗餃，脆茄子，浸娃娃菜，珍珠雞，大家先有做ok。每人都110元，飲茶黎講有啲貴。