TORIO喫茶部 (Closed)

繼續覓新餐廳，今次係一間日式cafe，地點係同小時光同一層。幸好有book位，12點半入去都還好，1點去已經開始爆。搭枱是必須的，但如果你成班人黎，恐怕要早啲book定，位置唔算多。呢兩個卡位我都想坐，其實打電話個陣可以book嘅，應該會再舒服啲。依家餐廳仍然係試業階段，價錢觀塘區黎講唔算貴。自助斟水，係收銀旁邊。今日個mood想食意粉，好彩佢有，日式拿玻里義大利麵配自家制三色菜肉丸球，78元連埋沙律。佢有啲似家庭料理，唔多似西餐，沙律配搭有生果同南瓜。意粉非常有味，掛到啲汁，撈完係好夠味。佢有紫薯沙律，食主菜有啲膩，轉一轉過黎食啖紫薯，甜甜地，又夠開胃。去到繁忙時段坐滿人係會幾嘈下，我同朋友都要大聲啲講。如果可以早啲12點食飯或者晏啲2點嘅會傾計較舒服。