My Boat (Closed)

天氣麻麻，大家想近近地快啲食完，呢度仲有一間黃店。門口睇得出啦，去到疫情早期，仍然都係爆場，好彩近同早，所以都有位。店內有卡位，亦有啲普通位，地方算係大嘅。可能想做到係船度（？），所以門口打左螢光。午飯59至89，算係咩類型都有，總有人啱。原條鰻魚飯，79元，同事話ok，味道幾好。我就食鮮蝦扎肉喇沙米線，69元，要湯。湯就正常，係好味嘅。呢個有驚喜，蝦係入味嘅。湯頭唔錯，唔會過辣，成碗都入味嘅。要等一陣先有餸，出菜有小小慢，可以接受。