Video
Read full review
2025-07-14
162 views
小食拼盤 (雞肉串燒、薯寶、南瓜餅、牛油果天婦羅) ($108)小食拼盤有四款小食，賣相精緻，各有特色，食落有驚喜☺️仲配咗兩款醬，分別係牛油果醬同燒烤醬🥰雞肉串燒 - 用素肉整嘅，口感好似真雞肉咁嫩，醃料帶點燒烤香同香茅，串燒烤得外焦內軟，幾惹味😍薯寶 - 炸得金黃，外面脆卜卜，入面鬆軟，點少少醬食好正，又冇咁熱氣🤣南瓜餅 - 南瓜味香濃，外層炸得好香脆，甜度啱啱好，似小食又似甜品🤣牛油果天婦羅 - 牛油果裹上薄薄嘅天婦羅麵衣，炸得輕盈唔油膩，牛油果嘅creamy同麵衣嘅脆口好match，配埋牛油果醬，雙重享受🤣西班牙紅花素海鮮飯 ($148)呢個素海鮮飯真係唔錯，米粒煮得粒粒分明，吸收晒醬汁嘅精華☺️入面有素魷魚、素蝦同素帶子，口感同味道仿真度極高🤣素魷魚有嚼勁，素蝦彈牙，素帶子軟嫩，仲有少少蔬菜如甜椒同洋蔥，增添鮮甜同色彩。整體味道好有層次，似足正宗西班牙海鮮飯，素食都咁滿足，推介👍🏻素芝士肉醬千層麵配黑松露炒蘆筍 ($158)千層麵係芝士控同素食控嘅天堂🤣素肉醬用咗菇類同豆類整，味道濃郁似真肉醬，帶點番茄嘅酸甜同香料嘅香氣☺️千層麵皮薄而軟，夾層嘅素芝士好creamy，焗到表面微焦，
小食拼盤 (雞肉串燒、薯寶、南瓜餅、牛油果天婦羅) ($108)小食拼盤有四款小食，賣相精緻，各有特色，食落有驚喜☺️仲配咗兩款醬，分別係牛油果醬同燒烤醬🥰
雞肉串燒 - 用素肉整嘅，口感好似真雞肉咁嫩，醃料帶點燒烤香同香茅，串燒烤得外焦內軟，幾惹味😍
薯寶 - 炸得金黃，外面脆卜卜，入面鬆軟，點少少醬食好正，又冇咁熱氣🤣
南瓜餅 - 南瓜味香濃，外層炸得好香脆，甜度啱啱好，似小食又似甜品🤣
牛油果天婦羅 - 牛油果裹上薄薄嘅天婦羅麵衣，炸得輕盈唔油膩，牛油果嘅creamy同麵衣嘅脆口好match，配埋牛油果醬，雙重享受🤣
西班牙紅花素海鮮飯 ($148)
呢個素海鮮飯真係唔錯，米粒煮得粒粒分明，吸收晒醬汁嘅精華☺️入面有素魷魚、素蝦同素帶子，口感同味道仿真度極高🤣素魷魚有嚼勁，素蝦彈牙，素帶子軟嫩，仲有少少蔬菜如甜椒同洋蔥，增添鮮甜同色彩。整體味道好有層次，似足正宗西班牙海鮮飯，素食都咁滿足，推介👍🏻
素芝士肉醬千層麵配黑松露炒蘆筍 ($158)
千層麵係芝士控同素食控嘅天堂🤣素肉醬用咗菇類同豆類整，味道濃郁似真肉醬，帶點番茄嘅酸甜同香料嘅香氣☺️千層麵皮薄而軟，夾層嘅素芝士好creamy，焗到表面微焦，香到不得了😍旁邊嘅黑松露炒蘆筍炒得爽脆，黑松露香氣濃郁但唔搶味，配千層麵食好平衡☺️
開心果Latte (熱) ($38)
拉花好靚，仲撒上開心果碎點綴💚開心果好香濃，堅果香同奶泡嘅滑順好夾，甜度調得啱啱好，唔會蓋過開心果嘅天然香氣，仲有少少咖啡嘅苦香平衡返味道☺️
青葡萄菠蘿水果茶 ($38)
青葡萄菠蘿水果茶好清新！青葡萄嘅酸甜同菠蘿嘅果香好match，茶底帶點花果茶嘅清香，飲落好refreshing🥰冰涼涼嘅口感好解膩😍
總結：估唔到素食都整得咁創新咁好食！
Post
