通記一品菜館 (Closed)

海鮮魚缸多數都係喺街市同酒樓先會見到，估唔到呢間只得八張枱嘅小店都會有個魚缸area😮，睇黎佢對海鮮有一定嘅執著💪🏻喎！-二人套餐 每位$250二人套餐包前菜、海鮮湯、芝士焗龍蝦🦞（半隻）、一款海鮮（鮑魚/蟹🦀️/蟶子）、兩款小菜，即係總共有4️⃣餸1️⃣湯同前菜，套餐免收茶芥，另收加一10%，整體味道較濃，非常下飯。🌗前菜（鹽水雞腳）：沙薑雞腳，表層幾淋。🌖芝士焗龍蝦：套餐包半隻西澳龍蝦🦞，龍蝦肉厚，新鮮彈牙；芝士🧀味濃，惜味道稍鹹，美中不足係冇伊麵底，如果唔係味道應該啱啱好！問左店員原來可以額外+$60加伊麵底，半隻龍蝦唔夠食仲可以+$150轉為全隻龍蝦。🌖豉椒炒蟶子：一碟共兩隻蟶子皇，蟶子鮮甜無沙唔會韌，處理得宜。🌖菠蘿咕嚕肉：有驚喜！🐷豬肉有咬口，肉質唔會過肥或太柴，無鬆肉粉味之餘仲有淡淡甜味；甜酸汁稀杰度唔錯，凍左都唔會太漿口。🌖枝竹斑腩煲：班腩無腥味啖啖肉，表面炸漿夠薄，內裡肉質嫩滑。🌗一品海鮮湯： 內有花甲、豆腐、白菜仔等配料，魚湯帶有胡椒味，足料但味道太鹹，可能係花甲內藏嘅海水被釋放所致。