Video
Read full review
2019-08-01
1766 views
說起 Buffet，跟囝囝第一次接觸自助餐，就是由馬哥孛羅酒店開始結緣。話說當年家人 join 了酒店年票，自助餐是買一送一，而小朋友是免費的，所以當時一家三口只收一個人錢，認真划算，說起來，都已經是十多年前的事，而餐廳當年是設在地庫，不論環境及食物都是天淵之別。單講食物，在質素及種類上，是既多且好，座位亦闊落舒適得多。而近期餐廳推出【仲夏蠔宴自助晚餐】，對於蠔迷是一個雀躍點。生蠔 總共有紐西蘭、澳洲及南非三種，真是各有千秋，既有爽甜，又有海水味，當然有濃郁既蠔味，加上任食，又是一個上佳既回本位。除了生蠔之外，其他以蠔作主打的種類亦不少。當中芝士煙肉焗蠔及忌廉芝士焗蠔兩款熟蠔都非常出色，蠔肉飽滿，加入煙肉或芝士，同樣帶來濃郁的香氣，絕對值得推介。Seafood 半開波士頓龍蝦龍蝦是回本位之一，當然是注目點，肉質是比一般酒店優勝，柔韌而富彈性，不錯。翡翠螺大大隻，而龍蝦仔啖啖肉，加上鮮甜既鱈場蟹腳，仲有青口同凍蝦，海鮮迷應該收貨。刺身 有少見既針魚，肉質爽甜，正。另外，有甜蝦、仿鮑片、吞拿魚及三文魚，當然主力係食針魚啦！湯 西湯是鮮蠔週打湯，
話說當年家人 join 了酒店年票，自助餐是買一送一，而小朋友是免費的，所以當時一家三口只收一個人錢，認真划算，說起來，都已經是十多年前的事，而餐廳當年是設在地庫，不論環境及食物都是天淵之別。
單講食物，在質素及種類上，是既多且好，座位亦闊落舒適得多。
而近期餐廳推出【仲夏蠔宴自助晚餐】，對於蠔迷是一個雀躍點。
生蠔
總共有紐西蘭、澳洲及南非三種，真是各有千秋，既有爽甜，又有海水味，當然有濃郁既蠔味，加上任食，又是一個上佳既回本位。
除了生蠔之外，其他以蠔作主打的種類亦不少。
當中芝士煙肉焗蠔及忌廉芝士焗蠔兩款熟蠔都非常出色，蠔肉飽滿，加入煙肉或芝士，同樣帶來濃郁的香氣，絕對值得推介。
Seafood
半開波士頓龍蝦
龍蝦是回本位之一，當然是注目點，肉質是比一般酒店優勝，柔韌而富彈性，不錯。
翡翠螺大大隻，而龍蝦仔啖啖肉，加上鮮甜既鱈場蟹腳，仲有青口同凍蝦，海鮮迷應該收貨。
刺身
有少見既針魚，肉質爽甜，正。
另外，有甜蝦、仿鮑片、吞拿魚及三文魚，當然主力係食針魚啦！
湯
西湯是鮮蠔週打湯，質地好濃稠滑溜，蠔味好突出，有水準。
中湯是節瓜豬骨湯，夠火喉，好有家常湯水的感覺。
至於泰式冬陰功湯就真係幾辣下，但味道好正宗，材料亦好豐富。
冷麵
有蕎麥麵、稻庭烏冬及綠茶麵，想來點澱粉質，份量不多都可以。
熱葷
迷迭香烤羊架
羶味不太重，好啱女士，但個人覺得肉質可以生少少。
清湯蘿蔔牛腩
炆得又幾稔，蘿蔔亦都清甜無渣，幾好。
另外，仲有迷迭香烤新薯、素菜千層麵、炸子雞、蠔豉花生炆豬手、香蒜蔥花腰果炒蠔豉、豉油油蒸石斑魚及蠔豉菜心炒飯，都好受客人歡迎。
而且有印度式炸魚柳、印度式雜菜、印度式咖哩羊肉及印度薄餅，可照顧到部份人士。
Carving Station
美國肉眼扒
切了薄薄一片，肉味挺濃，又有嚼口，食肉獸不妨來一片。
另外，更有德國豬肉腸。
芝士
有Cheddar、Camembert、Edam 及 Emmenthal 四款選擇。
中式麵檔
湯底有清湯及喇沙供挑選，而麵底是河粉及油麵，試了朋友少少，味道不錯，如果椰香味重返DD就仲好，自己反而淥碗菜清清腸胃。
沙律
都係果句，若然大仔在場就最開心，因為好幾款沙律，加上惹味既泰國菜；當中有蠔慕絲、蟹肉車厘茄青瓜沙律、鮮蝦意粉沙律與、法式沙律、泰式牛肉沙律、泰式米通、泰式海鮮粉絲沙律、泰式雞肉沙律、泰式燒雞、泰式香辣炒青口同埋泰式蒸魚，香、酸、辣、鮮的組合，近日天氣熱辣辣好開胃。
麵包
有法包、蕃茄包、麥包及法棍，但大佔胃納，當然要放棄。
切件水果：有蜜瓜、西瓜、菠蘿及哈密瓜，近日愛上了吃水果，無他，一來健康，二來在家吃不到那麼多種類，對嗎？
甜品
有意大利拉動、咖啡布甸、雜果啫喱、芒果西米露、
雜果忌廉蛋糕、朱古力慕絲、芒果慕絲蛋糕、榴槤瑞士卷、葡撻、朱古力、牛油麵包布丁、水果布丁、泰式椰汁糕、泰式芝麻糕、日式芝士餅、招牌藍莓芝士蛋糕、日式和果子、香蕉蛋糕、泰式椰汁千層糕、芒果椰汁糯米、朱古力噴泉及格仔餅。
比較中式的有自家製豆腐花、同埋即製雞蛋仔。
雪糕
有特別炮製的香芋及榴槤雪糕，喜歡榴槤味道的朋友可不要錯過啊！
至於Movenpick雪糕，種類更多，瑞士朱古力雪糕、士多啤梨雪糕、雲呢拿夢幻雪糕、楓糖合桃雪糕、藍莓芝士餅雪糕、特濃咖啡雪糕、意大利奶凍雪糕、冧酒提子雪糕、熱情果香芒雪糕及青檸檸檬雪葩，用上復古雪糕杯，令人有回到童年的感覺。
飲品有西柚汁、橙汁及蘋果汁，當然又係任飲啦。
說來「十年人事幾翻身」是對的，誰也想不到事隔多年，水準有躍升的感覺，未知下次到訪，又會點呢？
P.S : 週一至四成人 $548／長者 $528／小童 $348
週五至日及假期成人 $588／長者 $568／小童 $368
OpenRice 有七折優惠、小童優惠以及生日優惠
Post
