上海姥姥 (翡翠明珠廣場)

Open Now

Now Closed

2 November 2017(THU)話說好姊妹係蟹粉愛好者，佢見到上海姥姥推出左限定蟹粉菜式就約我齊齊嚟食返餐。咁...我都好耐冇去街街，就趁依個機會蛇去同好姊妹相聚，食個開心晚餐兼叉叉電啦~ 先嚟一杯鮮檸香薑蜜 - 雖然我地係飲凍，不過估唔到佢個薑味都好出，都唔錯呀~ 兩款餐前小食~ 雞絲粉皮 - 佢個醬汁香口，而且份量都好夠，所以每一啖粉皮可以帶醬汁嚟食，非常好味~ 醉雞 - 依個酒味超濃郁，而且雞又好嫩滑，絕對係我地其中一個推介呀~ 終於嚟到戲肉，就係我地叫嘅一系列蟹粉限定菜式！ 特上蟹粉小籠包~ 薄薄嘅外皮包住滿滿饀料，相當足料。咬一啖就即刻爆出黃油同埋鮮香肉汁，肉饀就腍嫩鮮香，仲有超多肉汁，最重要係佢個蟹粉味超出，絕對係我倆最愛嘅一個菜式呀~ 蟹粉扒素鵝~ 薄身酥脆腐皮卷包住大量冬菇，再加上超多嘅蟹粉。蟹粉惹味同時又唔會減少素鵝嘅口感，最欣賞佢唔會有好油膩嘅感覺，所以食多幾件都唔怕~ 蟹粉賽螃蟹~ 蟹粉份量真係超多，真係可以話覆蓋整碟，蟹味當然係相當濃，混合滑滑嘅蛋白，啖啖美味呀~ 蟹粉拌麵~ 係幼滑麵上再加上甘香蟹粉