渝味曉宇重慶老火鍋 (如心廣場) (Closed)

之前係糧尾既時候又想同朋友打邊爐，格下價之後搵到呢間評論唔錯既火鍋店試試，一人午市火鍋套餐都只係$98，即刻同朋友Book位黎試下😝◦ 糖水一點完菜店員就送上兩碗暖笠笠既雪耳紅棗湯水，話可以比我地潤下喉，都幾窩心❤️◦ 鍋底 - 麻辣湯＋蕃茄湯$98都可以揀鴛鴦鍋都幾抵食，即使係單點既午市湯底都係免費🤣麻辣湯底冇得選擇辣度，見到用左唔少花椒同埋辣椒，食落都幾香同辣，但又唔係好麻，鍾意食辣既朋友可以試下呢個🥰！蕃茄湯都唔錯，都幾香😋◦ 主料 - 嫩牛肉＋ 紐西蘭精品羊肉卷肉既份量比較少，不過呢個價錢係咁上下；味道方面我個人鍾意羊肉多d😍，羊肉味都幾重同時唔覺得騷；嫩牛肉都真係幾淋，但肉質既感覺係醃到咁淋而唔係真係靚到咁淋，牛味亦比較淡◦ 配料每人都有兩隻蝦🦐，食落係新鮮，肉質實淨都幾好食😋；蔬菜類包括娃娃菜、生菜、芋頭、萵筍、金菇、粟米等；丸就有芝心丸、芝士腸、午餐肉、牛丸同埋蟹柳。當中我覺得蔬菜類比較好，都新鮮，份量都幾多；丸類就係普普通通💁🏻‍♀️◦ 主食 - 武隆苕粉＋鮮滑魚麵武隆苕粉呢個名咁得意，其實係薯粉，食落都煙韌既，一人只有5-6條，感覺份量太少，不過食埋其他配菜都夠飽，只係唔