東海薈 (北京道1號) (Closed)

眾所周知「北京道一號」景色一流，地點又方便，今次預祝家人生日，他們比較喜歡中菜，所以選了【東海薈】! 雖然落緊超大雨，但地鐵行上去完成唔駛淋雨～不過本來打算欣賞既維港景色變成欣賞閃電雷雨，別有一番風味～第一次幫襯，環境唔老土，唔係典型中式酒樓格局般光猛～侍應態度都好有禮～我們六個人所以點了套餐的半圍 365歡聚宴，＄1590全包～8道菜，1個麵，還有糖水同重點壽包！都幾抵食！【乳豬全體】鬆脆～有肉，不太肥～好味道～【翡翠炒蝦仁】份量十足～蝦夠鮮～豆夠甜！唔食豆既我都食左...【柚子醬黃金球】新鮮炸起，蝦味濃，彈牙～再配柚子汁，感覺好新鮮，一點油膩感都無！【瑤柱扒雙蔬】配娃娃菜，略嫌茨不夠身【雞蓉燕窩羹】上湯味濃，鹹了點【清蒸老虎斑】全席是沙巴躉，半席改為老虎斑 不過唔識分呢係咪～尚算新鮮【花膠扣花菇】特別的上碟模樣....味道不過不失【蔥油家鄉雞】太飽無食【雙菇伊麵】太飽無食【東海壽桃包】重頭戲～～～留肚都要食！原個蛋黃o係入面，黃油與蓮蓉的結合....絕配～忍不住食左1.5個......最後來多碗紅豆沙～【維港・夜景・佳餚】