Video
Read full review
2023-06-20
57 views
今次諗住同男朋友試吓啲平時冇食嘅菜式，上網search咗吓留意到呢間土耳其餐廳環境好似都唔錯，而且都有唔少好評，就決定同男朋友一齊試試。一入門就已經感受到滿滿嘅異國風情。———————————————🌟Spicy Lovers $170 呢個菜式主要係彼得包配3種特色醬料，分別係香辣鷹嘴豆泥、墨西哥辣椒雜果仁醬、煙燻甜椒香辣雜果仁醬，個人認為最好味嘅係香辣鷹嘴豆泥，口感非常綿滑，豆味都好重好濃，而且辣度仲好足，食得好爽。另外兩隻口感就係充滿果仁嘅感覺，好有咬口，墨西哥果隻相對冇咁辣，什至會有少少似牛油果醬嘅感覺🤣.🌟Organic blue Mussels $235佢係成個煲咁上，入面有好多有機藍青口，上碟果刻已經聞到好香，呢個製作相對冇咁複雜，加有橄欖油、海鹽同檸檬，輕鬆將海鮮嘅鮮味襯托曬出嚟。.🌟Rabbit Leg $220呢個真係抱住嚟土耳其餐廳咩都試試嘅心態去叫，佢原材料係法國野兔，再用唔同嘅香料焗製。其實睇落同雞脾係超似樣，食落發現連口感都幾乎係一樣，唯一係個味道上好似唔係特別搵到兔嘅味道係點樣，旁邊仲有一種酸酸甜甜嘅醬汁，係有種特別嘅香料味。不過個人認為試完真係可能對兔肉
———————————————
🌟Spicy Lovers $170
呢個菜式主要係彼得包配3種特色醬料，分別係香辣鷹嘴豆泥、墨西哥辣椒雜果仁醬、煙燻甜椒香辣雜果仁醬，個人認為最好味嘅係香辣鷹嘴豆泥，口感非常綿滑，豆味都好重好濃，而且辣度仲好足，食得好爽。另外兩隻口感就係充滿果仁嘅感覺，好有咬口，墨西哥果隻相對冇咁辣，什至會有少少似牛油果醬嘅感覺🤣
.
🌟Organic blue Mussels $235
佢係成個煲咁上，入面有好多有機藍青口，上碟果刻已經聞到好香，呢個製作相對冇咁複雜，加有橄欖油、海鹽同檸檬，輕鬆將海鮮嘅鮮味襯托曬出嚟。
.
🌟Rabbit Leg $220
呢個真係抱住嚟土耳其餐廳咩都試試嘅心態去叫，佢原材料係法國野兔，再用唔同嘅香料焗製。其實睇落同雞脾係超似樣，食落發現連口感都幾乎係一樣，唯一係個味道上好似唔係特別搵到兔嘅味道係點樣，旁邊仲有一種酸酸甜甜嘅醬汁，係有種特別嘅香料味。不過個人認為試完真係可能對兔肉有少少抗拒，但都係一次好特別嘅體驗。另外佢都配有主食，係一種好特別嘅長米飯仲有啲粉絲夾係中間，我個人係超鍾意，因為佢係有好香濃嘅麥味，愈食愈好食🙈
.
🌟KATAYEF (2pcs) $75
呢個係中東式烘烤嘅熱香餅，一款係肉桂核桃，另一款就係甜芝士連中東忌廉。外皮食落去熱辣辣仲鋪滿焦糖，味道會偏甜少少，我個人鍾意肉桂核桃多啲，佢肉桂味唔會太重，連埋核桃食口感更豐富。
.
🔸整體評價🔸
整體都係一個好新鮮嘅體驗，第一次係香港試咁地道嘅土耳其菜，而且入面個裝修同音樂都令到成個氛圍好正。侍應同廚師都非常友善，不過上菜速度方面再快啲就更好～大家如果都有興趣試地道土耳其菜真係可以試下呢間🫶🏻
Post
