金鳳大餐廳 (山林道) (Under Renovation)

🐮中學時又成日食，出嚟做嘢又有一排個個星期都會去食午餐，金鳳的確係好多香港人嘅集體回憶🤓可以用較親民嘅價錢食到唔錯嘅扒餐，有一種取代唔到嘅地位～今次路過又入去食咗個晚餐，揀咗美國扒系列，都真係無令人失望😆🐮基本盤，鐵板牛扒加餐湯，餐包，飲品！一個要咗牛小排，一個要咗頂級西冷～西冷肉味濃，油花分佈平均，肉質好有彈性😚但如果要講嘅話，牛小排係仲好食，佢係起咗骨嘅牛仔骨，特點係肉質十分鮮嫩，絕對比得上貴價小小嘅西餐廳出品😍🐮餐湯就紅白兩款，我本身個人係鍾意飲白湯多啲，但其實佢個羅宋湯係幾出色，微辣中帶微酸，夠足料，值得一試！而美國扒餐本身係跟薯菜嘅，特別之處係有翠玉瓜，波浪薯條+翠玉瓜吸晒牛肉嘅肉汁同餐嘅黑椒／蒜蓉汁都好正，份量又幾多👍🏻跟餐大家可以考慮升級特飲，都幾多特別選擇，例如咖啡紅豆冰／奶茶紅豆冰，或者白牛黑牛咁，有本土特色又好飲😊🐮埋單兩個人食三百七十幾，抵！呢個質素食西餐廳嘅話可能要貴多一兩成，所以呢個可能就係佢屹立不倒嘅原因