木子烘焙

Open Now

Now Closed

新蒲崗一帶其實有唔少高質麵包店，但今次呢間木子烘焙位置真係超方便🚇，出鑽石山站A2出口就到👣。櫥窗入面啲麵包外型幾精緻，忍唔住拎幾款返屋企慢慢試。🥜 開心果仁乳酪包 $16面層鋪滿開心果碎，香氣四溢🌰，內餡乳酪香甜軟滑，麵包軟熟到一按就回彈💚。🍋 檸檬核桃乳酪包 $16清新檸檬香配合微酸乳酪，口感輕盈☁️，完全唔覺膩，核桃增加咬口感。🍫 開心果可可布丁包 & 榛子朱古力布丁包 $34/2個麵包柔軟💛，凍食時布丁餡幼滑似雪糕🍨，焗熱後仲係滑嘅。榛子朱古力入面仲有薄脆片，咬落有驚喜🎯。🍫 迪拜朱古力撻 $15蛋餡幼滑香甜，配上濃厚迪拜朱古力同酥脆撻皮🥧，多重口感好滿足。⚫ 黑芝麻爆漿三角菠蘿包 $16未咬落去已經聞到濃郁黑芝麻香🌿，內餡超creamy，外層脆口似蜜瓜包🍈，一啖爆漿超治癒。每款麵包都各有特色，而且用料新鮮👍，唔單止賣相靚，味道同質感都令人回味。相比平時試過嘅連鎖麵包店，木子嘅餡料同口感更講究，下次一定要試埋佢其他款式🤩。