木糠甜品屋

Open Now

Now Closed

【灣仔區】【木糠甜品屋】之前一直都冇聽過呢間嘢，但係美女朋友講到佢好似開業多年而又好出名咁，仲要啲木糠布甸好好食。我本住一戰嘅心態過去，既然佢話好食，冤有頭債有主，就叫埋美女朋友一齊去。去到都即刻有位，唔使排隊，我哋一人就先叫一個「木糠布甸」食吓先。佢食 $38 嘅「原味」，我就食 $40 嘅「特濃朱古力」，我哋都有互相 share 食。原味果然唔錯，口感綿密得嚟，凍冰冰嘅感覺令到自己好似食緊雪糕咁，個甜味亦都算適中。特濃朱古力就喺原味嘅基礎上面加多個味，我覺得唔會濃到搶咗原味，都幾好食。之後我哋都再叫咗其他嘢，冇所謂啦，都係我食嘅佔多。首先係 $45 嘅「芒果班戟」，芒果肉幾多，啲 cream 同個皮都 okay，成件事可以。之後仲有 $40 嘅「蛋白燉3.6牛乳」，呢個就冇乜蛋香同奶香，樣樣都唔突出咁，有啲失望。埋單 $163，係咁先。。。（地址：銅鑼灣希雲街20號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodie