滷友記 (加路連山道) (Closed)

荃灣滷水專門店，出名滷水三寶同麵食，最近喺銅鑼灣開咗分店，裝修同格局都整潔明亮咗好多，今次喺銅鑼灣附近行街要去會一會佢。滷友三寶麵三寶就係金錢𦟌丶牛筋丶金錢肚。金錢𦟌口感軟淋、好惹味，金錢肚好彈牙，牛筋充滿骨膠原，入口溶化，滷水湯底香濃唔係咸味果種，味道清甜，飲完仲唔會口渴。牛筋腩麻辣撈麵呢度有幾種唔同嘅麵底可以選擇，我揀咗粗麵，粗麵份量好多，麵條好掛汁，麵煮得啱啱好，口感唔會過硬，牛筋加埋埋芝麻好惹味，口感軟淋，有即溶嘅感覺，加埋濃烈嘅麻辣香味令人越食越過癮。生炸大雞脾生炸雞髀好巨型，炸得好香脆，表面充滿椒鹽味，食落有肉汁，食落啖啖肉好惹味。滷水雙拼滷水雙拼有牛展丶牛肚。牛展厚身，軟淋入味，牛肚爽口彈牙，兩者都滷得好入味。酥炸豬扒呢度除咗滷水出色，炸物都唔錯，豬扒外表夠酥脆，好有台式風味，表層食落惹味，炸得唔會過老。陳皮魚蛋陳皮魚蛋係兒時街邊魚蛋嘅味道，老香港口味，而且食得出魚蛋有陳皮味，口感彈牙，好吸引嘅小食。