佳芳廚房 (Moved) New Location

【深水埗區】【佳芳廚房】第一次同同事遇星哥單獨外闖工作，而佢係知我係一個 foodie，所以將個餐廳選擇權交咗畀我。我為咗隆重其事，特登走去搵有冇人介紹過啲好嘢，就被我搵到呢間口碑唔錯嘅餐廳。我哋先試吓 $32 嘅「健康小米粽」，望落幾靚，食落都幾好食，唔錯。最好彩係試到「乾隆皇帝粥」，即係 $38 嘅「御五品粥」，因為佢哋都只係逢星期五、六供應，其他時間係冇嘅。而呢碗聽老闆娘講係宮廷配方，係有位御廚一代傳一代咁傳咗落嚟。以蠔豉、皮蛋、鹹蛋、梅頭肉，用 13 道工序花四個鐘用心煮成，難怪唔係日日有。食落的確好正，粥底綿滑，鹹香豐盈，口感多變，係値得一試嘅。之後試 $35 嘅「雙拼蘿蔔糕芋頭糕」，食落就知係足料嘢，問返先知原來每一底都比市面其他同樣食物落重一至兩倍料，難怪。之後試 $55 嘅「招牌南乳豬手」，南乳味濃，豬手夠腍，正呀。跟住老闆娘推介 $68 嘅「薑汁天麻川芎白芷魚頭燉湯」，話賣剩一碗，咁我梗係試埋。一開蓋已經勁大陣藥材味，非常足料，飲落亦都好做到驅寒效果，冇介紹錯。咁樣食法先 $228 真係幾難得，最重要嘅係我哋冇叫嘢飲，亦都冇飲水，但係完全唔覺得口渴呀。。。（地址：深水