清心齋 (Closed)

是日去朋友屋企，又想食啲小食，就去咗呢邊啦。係個小商場入面，主要係拎走食嘅，企係度快食亦可以。呢邊係齋類，少量糕點。另一邊係甜品類為主，樣樣都幾吸引。如果就咁一盒細齋就20元，咩齋都有啲，我鍾意食酸齋就俾多小小。好味，夠哂味，鴨腎都有，個人覺得咖哩個款唔夠出，可以嘅就出番小小會更好。叫咗一盒細齋加一支豆漿套餐都係23元，我選係無糖嘅，豆味都幾濃，好飲。朋友話佢即使有糖都唔會好甜，都幾好。仲叫多一碗黑白配，12元，豆腐花底夠滑，芝麻糊好濃，好快就食哂啦。