內裏比較細少，數張摺枱拼埋，可坐8至10人，尚算企理。
看看餐牌，價錢覺略貴了點，以價錢論，該可去較高級和環境好一點的，有套餐的，價錢還算可以。
冇咩謂口，就求其散叫两味，【泰式豬頸肉生菜包】，【蝦醬炒飯】。
生菜包上枱第一感覺，依...嘟幾大碟吓喎!!
侍應話吾夠菜仲可以添架!老佛爺大讚
!豬頸肉好好食，酸酸咪咪，炒得有鑊氣，即時開謂返，最尾肉多吾夠包，要添菜。
而個蝦醬炒飯不過不失，幾乾身幾香，但欠蝦醬味，飯不油膩，反而香腸好多油，一咬好多油吱出，總計不錯。
見隔離枱有甜品送（其實人家是套餐才有），老佛爺又扮傻問老闆: 係米有甜品送破?!點知老闆娘真係話有，好nice話 :有有有
，咁都比老佛爺咋傻納福，送了两客香芋西米椰汁糕，好好味，又香又甜又美味。
因初初無謂口和覺貴下，沒有叫飲品，埋單14x,人均75蚊，但睇翻份量和屈了甜品
，算係咁喇。p.s.: 老闆娘好似幾nice, 試吓扮無知問（係米有甜品送架），看看有冇驚喜🤣🤣🤣。
