串串貢 (Closed)

元旦日和老佛爺找野食，吾知食咩貢貢吓見到呢間串串貢重慶火鍋，單看單張吾知有咩食，就貢上樓視察吓。可能新開，都有好多枱，選了窗口位，坐得算舒適。食材種類都多，肉類肥牛雞豬吾少得，但肥牛就真係幾肥，蔬菜菇類蓮藕豬紅，鵝腸水魷幾新鮮，有少量生果，汽水和一大煲雪梨水任飲。我們點了鴛鴦鍋，麻辣要少辣，但都好辣，除了任取食材，會另送一份海鮮，有帶子，螺，蠔仔和癩尿蝦，帶子和蠔仔幾鮮甜，螺可能走咗佬，得两粒有肉，癩尿蝦太細了，係新鮮，但好難食到肉，送幾隻蝦好過。整體食得算ok, 個湯底係做得吾錯，埋單370，人均消費185元。