深宵食堂

Open Now

Now Closed

Yo! 終於唔洗過海都食到深燒食堂啦😎🥚鰻魚玉子燒🥚香噴噴嘅蛋味，切開見到好大條鰻魚 😍 原本以為只係有啲鰻魚肉粒，所以超乎想像😂 份量非常足，食完大滿足。💥炸物💥炸得好，唔會食到一口油，上枱時仍然熱辣脆身。蟹餅同炸蠔都鮮甜，如果蟹餅多啲蟹肉增加口感更好。🍍燒蔬菜🍄冰燒菠蘿好好好味，又甜又多汁。芝士蟹肉大啡菇嘅啡菇都好juicy，同平時好膩嘅芝士平衡到😋🥗蟹籽沙律🥗青瓜絲幼細，爽口，蟹籽充足，仲有蟹柳絲增加甜味。🥒明太子配青瓜🥒原來可以咁樣配搭！爽口清甜青瓜，同火炙辛味明太子，一爽一軟，一甜一辛，口感與味道衝擊，好好味，好開胃！下次要喺屋企試下咁食。