Video
Read full review
2025-05-14
68 views
雖然阿叔唔太好甜品，但唯獨對著日式布甸🍮同班戟🥞就好難抗拒！就好似呢間位於佐敦廟街嘅日式梳乎里班戟店咁，一直都喺阿叔嘅to-go-list入邊。趁住自己暫休生活，就繼續平日嚟探店一吓先。班戟店2021年開業，短短4年間就連大圍、元朗都有佢分店。呢度由法國藍帶廚師主理，店內除咗提供唔少主食外，更主打日式梳乎里班戟同窩夫等甜品，款款都非常IGable，難怪開業無耐就火速成為網紅店。🥞宇治抹茶梳乎里班戟 ($138)店內每日限量供應嘅班戟，抹茶控人士值得一試！3層高嘅梳乎里班戟唔單止蛋香味濃郁，而且空氣感十足，震吓震吓咁，非常有治癒感。配埋抹茶忌廉、自家製蕨餅、紅豆蓉、白玉一齊食，味道、口感層次再豐富。🍝帆立貝明太子蟹肉扁意粉 ($128)甜品幾好，估唔到主食都唔差。大大份嘅意粉，2大粒帆立貝、滿滿嘅明太子、蘑菇，非常足料，而且味道濃郁，口感creamy。🥤草莓番石榴乳酸配草莓果乾 ($38)食完啲濃味主食，飲番呢杯特飲就剛剛好中和番。佢味道清新，唔會太酸，又唔會太甜，仲要夠凍，夏天飲啱晒！
就好似呢間位於佐敦廟街嘅日式梳乎里班戟店咁，一直都喺阿叔嘅to-go-list入邊。趁住自己暫休生活，就繼續平日嚟探店一吓先。
班戟店2021年開業，短短4年間就連大圍、元朗都有佢分店。呢度由法國藍帶廚師主理，店內除咗提供唔少主食外，更主打日式梳乎里班戟同窩夫等甜品，款款都非常IGable，難怪開業無耐就火速成為網紅店。
🥞宇治抹茶梳乎里班戟 ($138)
店內每日限量供應嘅班戟，抹茶控人士值得一試！
3層高嘅梳乎里班戟唔單止蛋香味濃郁，而且空氣感十足，震吓震吓咁，非常有治癒感。配埋抹茶忌廉、自家製蕨餅、紅豆蓉、白玉一齊食，味道、口感層次再豐富。
🍝帆立貝明太子蟹肉扁意粉 ($128)
甜品幾好，估唔到主食都唔差。大大份嘅意粉，2大粒帆立貝、滿滿嘅明太子、蘑菇，非常足料，而且味道濃郁，口感creamy。
🥤草莓番石榴乳酸配草莓果乾 ($38)
食完啲濃味主食，飲番呢杯特飲就剛剛好中和番。佢味道清新，唔會太酸，又唔會太甜，仲要夠凍，夏天飲啱晒！
Post
