蒲東小館 (彌敦道) (Closed)

昨天與儍爸在果欄買完水果趕在禁晚市前食啲野，順便休息吓假期都有下午茶餐又幾好喎 ~~一坐低就開了壼茶比我哋埋單至知唔收茶錢又唔收加一服務費 ~~儍媽 → 紅油炒手拌麵 + 豆漿〈HK$40〉儍爸 → 排骨粗炒 + 凍檸茶〈HK$50 + HK$2〉優惠價追加了客 → 鮮肉小籠包〈HK$25〉下午茶餐份量都好足架 ~~食飽飽，買兩份外賣比兩隻魔怪這晚又唔使煮啦 ~~** 以上分享是以我的口味、體質和情況作出分享及感受，一試 / 合用與否請自行決定