Video
Read full review
2025-06-05
428 views
【油尖旺區】【梁慶記】再次喺勁趕時間嘅情況下經過旺角豉油街，要偷少少時間食飯就要一擊即中。必備元素係立即有位同埋快速上菜，見呢間麵檔好似 okay，行埋去一望原來係我之前同感應姐、變本姐食過佢哋北角店嘅梁慶記，嗰次印象都係一般，不過速度冇問題，就用你啦。叫咗 $68 嘅「大地魚湯麵一人套餐」，要嘅係「傳統雲吞湯麵」，揀咗粗麵嚟食。湯底真係好清，亦都有大地魚嘅味道喺度。而個麵就冇諗得咁出色，都係正正常常嘅水準。啲雲吞都係，有四粒，但係冇預期中咁正，都係普通咗啲，冇乜咩亮眼嘅位。我食到後段，有啲八卦咁加啲辣椒油吊吓個味，反而有驚喜，個辣椒油都唔錯喎。跟住食加 $8 嘅小食「金絲香芋酥」，都幾甜，不過又真係未食過咁嘅款而又係甜嘅芋頭酥，當食吓新嘢。嘢飲我加 $5 要「葡式自製樽仔焦糖咖啡」，可以啦。埋單 $81，合理。。。（地址：旺角豉油街74號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：東區分店：1am1654
叫咗 $68 嘅「大地魚湯麵一人套餐」，要嘅係「傳統雲吞湯麵」，揀咗粗麵嚟食。湯底真係好清，亦都有大地魚嘅味道喺度。而個麵就冇諗得咁出色，都係正正常常嘅水準。啲雲吞都係，有四粒，但係冇預期中咁正，都係普通咗啲，冇乜咩亮眼嘅位。
我食到後段，有啲八卦咁加啲辣椒油吊吓個味，反而有驚喜，個辣椒油都唔錯喎。跟住食加 $8 嘅小食「金絲香芋酥」，都幾甜，不過又真係未食過咁嘅款而又係甜嘅芋頭酥，當食吓新嘢。嘢飲我加 $5 要「葡式自製樽仔焦糖咖啡」，可以啦。埋單 $81，合理。。。
（地址：旺角豉油街74號地舖）
呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：
東區分店：1am1654
Post
