怡景冰室 (Closed)

【油尖旺區】【怡景冰室】喺尖沙咀同震華哥行咗陣，大家都見有啲肚餓就搵吓嘢食。見到尖沙咀怡景酒店樓下新開咗間冰室，咁就走咗入去試。震華哥試佢哋嘅招牌菜，$55 嘅「秘製香辣牛筋撈麵」，我都食咗舊，覺得個辣味唔錯，牛筋又炆得夠腍，正，而撈麵我就唔使食佢嘅。因為我試嘅係 $52 嘅「沙爹牛肉撈麵」，叫呢啲茶餐廳普通嘢先試得出技巧同功力，個沙爹牛肉幾好食，個汁亦都夠濃，撈麵一流。配埋碗湯，亦都可以適度調節味道，非常好。我加 $8 試「兒童鴛鴦」，係好立克溝阿華田，味道幾好，啱晒我呢啲肥仔。而震華哥就加 $6 飲「凍檸茶走甜」，佢話水準都可以。另外我哋仲試咗啲小食，包括 $28 嘅「金沙魚腐」同 $32 嘅「芝士辣肉醬手抓餅」。前者炸得幾得意，魚腐又夠軟糯幾好食。後者茄味夠濃，震華哥好中意。埋單 $181，都食得幾盡興，感覺幾好。。。（地址：尖沙咀河內道8A號怡景酒店地舖）