咁飯都係要食嘅，今次難得公升哥話佢夾到時間同我食飯，我梗係想。而佢仲諗埋食乜，真係爽到喊出嚟，我梗係狗衝去攞位啦。聽講佢呢度吉列牛正，我就叫個 $138 嘅「御燒極上級黑松露吉列牛」，加 $35 轉埋套餐添。
套餐有「紫菜味素飯+流心蛋+麵豉湯」，個飯幾好食，配埋流心蛋一流。我加 $12 加配埋汽水，揀咗「無糖可樂」嚟飲。個吉烈牛都 okay，仲有不停加熱嘅熱石板幫手，係會令到件事好咗嘅，而公升哥就叫咗冇黑松露嗰款嚟食。
即係 $118 嘅「御燒極上級吉列牛」，佢都有轉套餐。我覺得個黑松露有啲畫蛇添足，呢款就咁吉列牛已經好好。之後再用 $48 叫兩隻「明太子雞全翼」，熱辣辣都幾好食。咁樣埋單 $424，我哋係自費食，但都唔覺得好貴嘅。。。
（地址：旺角廣華街2-20號翠園大廈二期地下10號舖）
