火炭冰室 (Closed)

【沙田區】【火炭冰室】我同春哥一齊去火炭工商業區做嘢，又要諗食乜，咁佢旨意晒我之下，我就唯有去喺 1am0979 都介紹過嘅「火炭冰室」，我覺得唔錯㗎。今次兩個人去可以試多啲嘢添，先試 $67 嘅「黑松露大蝦炒意粉」，係即叫即炒嘅，幾好食，我哋勁快就清晒成碟。之後試 $76 嘅「香煎牛舌扒」配燒汁同薯菜，四塊勁大嘅牛舌上碟真係好似鋸扒咁，好滿足，味道又好。跟餐仲可以加錢加嘢食，我哋先加 $39 試吓佢哋嘅「小食拼盤」，有蝦多士、香辣單骨雞翼、脆炸辣雞條、炸魚手指各兩件，炸得幾好，乜都有得食，抵。跟住我加 $14 試「藍莓芝士蛋糕」，春哥就加 $15 試「Tiramisu」，估唔到茶記都有甜品食，仲要質素都幾好，唔錯。嘢飲方面我加 $3 試佢哋枝「羅漢果」，春哥就加 $3 試凍「招牌滑奶茶」，兩者都係枝裝，都好濃好飲。咁食法都只係 $217，抵食喎。。。（地址：火炭㘭背灣街14-24號金豪工業大廈二期地下及閣樓）#1amfoodie #foodie #hkfoodie #thatfoodiething #hkfood #food #instafood #yummy #foodlover