森森食堂

Open Now

Now Closed

【東區】【森森食堂】唔知點解而家喺親東區都係同美女朋友一齊㗎喎，有趣，今次仲一齊食早餐。揀咗呢間餐廳之後，估唔到佢哋十一點半前都有早餐，就一齊叫佢哋嘅「早晨系列」。本身我早餐就食唔得多，又或者咁講，我就冇食早餐嘅習慣，所以主要都係「陪太子讀書」。佢叫咗個「湯麵之選」裏面 $43 嘅「新鮮蕃茄薯仔牛肉通粉」，配「腸仔煎蛋」轉「反蛋」，仲有「奶醬脆豬」，餐飲就跟「熱奶茶」，正常人嘅早餐就係食咁多嘢喎。佢話個蕃茄湯勁濃，好味，其他食物就冇乜意見。而杯奶茶都 okay，係正常茶記質素。我就因為胃口問題，叫咗「輕盈之選」裏面 $40 嘅「牛奶粟米片」配「煎雙蛋加雙漢堡扒」，飲「熱杏仁霜」。又估唔到出街食早餐都有得揀粟米片，仲有得揀凍奶或者暖奶，我揀咗後者，味道正常。其他嘢食嘢飲其實都唔錯，埋單 $83 嘅價錢嚟講幾好。。。（地址：北角英皇道449-455號華興大廈地下2-3號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfood