杏甜品 (豉油街) (Closed)

經過甜品店就想食甜品，甜品都可以食得健康，杏甜品主推低糖健康甜品 ，新推出木蓮凍系列大受歡迎👏🏻坐低食果陣聽到附近幾枱遊客都係睇推薦過嚟試👍🏻🥭呂宋芒椰木蓮凍 $62芒果甜品一向受歡迎～所以呂宋芒椰木蓮凍係杏甜品必試招牌第三位！上枱都嚇一嚇，原來都幾大碗！材料非常足！入面有：木蓮凍、芒果爽冰、芒果粒、4色小芋圓、椰果，整體甜度適中，唔會太甜。木蓮凍味道似仙草，清涼爽口，仲有美顏功效。芒果爽冰大大球、小芋圓都好多粒抵食，食完一碗真係會勁滿足，同埋都飽飽地～🟡榴槤湯圓 $36榴槤控見到有榴槤必食，榴槤湯圓唔係度度有，所以即刻嗌碗試試。咬開係流心榴槤餡，榴槤湯圓配以桂花糖水，清甜滋潤～❄️呂宋芒奶昔爽冰 $52賣相同味道都一絕嘅甜品！彈牙珠珠加上呂宋芒綿冰入口冰涼爽快，加上新鮮芒果肉好fresh！大推！杏甜品 (旺角)📍地址：旺角豉油街25-31號地下3號舖